CILACAP-Sat Reskrim Polres Cilacap kasil ndikep AP alias Agung (24), dan RST aliaso Nonos (35) wong sing pegaweane surat keterangan rapid tes Covid-19 palsu.
Kapolres Cilacap AKBP Leganek Mawardi ngomongna menawa wong sing dedikep mau
asale sekang anane lapuran sekang warga sing dadi kurban. Kedadiane kegliga wektu
korban lagi duwe prelu gawe surat rapid tes, neng salah sijine perusahaan neng pelabuhan. Ningen pas lagi nglakoni rapid tes, korban ora dejk maring klinik utawa rumah sakit, malah degawa maring salah sijine nggo percitakan.
“Korban ngrasa urung melu rapid tes, ningen surat keterangan wis metu,” njlentrehane
Kapolres wektu ungkap kasus mau, Jumat (9/4/2021).
Bar nampani surat mau, pelak RST njaluk dhuwit sing gedhene ngasi Rp 200 ewu
maring korban. Kedadian kuwe akhir delapurna maring Polres Cilacap. Lewih
gamblang maning, Kapolres ngomongna menawa pelaku goli nglakoni penipuan mau
nyatut jeneng salah sijine klinik sing ana neng Clacap.
“Pelaku nyecan rupane surat sekang salah sijine klinik. Tumerape klinike kuwe sing
derugikna,” tutur Kapolres.
Sementara kiye, wong loro sing dadi tersangka ngakoni menawa wis malsukna surat keterangan kasil rapid tes paling sethithik ping 30. Wong loro mau keweruhan wis nglakoni praktek haram kiye lewih sekang rong wulan suwene.
Sekang tangane tersangka, petugas ngamana barang bukti sing rupa wujud selembar surat rapid test, selembang surat keterangan anti sars cov-2 antibodiy non reaktif, 10 lembar pembanding surat keterangan Anti Sars Cov-2 Antibody Non Reaktif, segluntung printer Epson L360; segluntung Komputer. Dhuwit gedhene Rp 300 ewu uga deamana dening petugas.
Maring wartawan, tersangka RST ngakoni mung njujugna wong sing butuh surat
keterangan kasil rapid tes Covid-19.
“Inyong sering nongkrong neng kawasan pelabuhan terus angger ana sing takon
panggonan rapid tes ya tekjujugna dening inyong,” ngakune.
Marga kelakuane mau wong loro tersangka tekan seprene deperiksa dening polisi.
Wong loro mau uga deancam kejiret karo pasal 263 KUHP jo Pasal 268 KUHP, karo
deancam pidana ngasi nem tahun penjara kanti pasal dugaan pemalsuan surat.(Gdw,
san-3)
